天后王菲與謝霆鋒分手11年后，忽然喺2014年世紀復合，震驚中港臺！之后兩人不時被影到孖公仔行動，十足糖黐豆！不過，日前宋祖德喺微博爆料指王菲與謝霆鋒已經分手，仲許下豪言話如果消息有誤嘅話，就會“直播吃400克狗屎”！

宋祖德仲指王菲自從上年開完演唱會撈金失敗后，兩人關系每況愈下，佢大爆兩人：“最近已簽分手協(xié)議，有商業(yè)上的合作就同時出現。兩人走到一起的真正目的，就是為了撈金，老百姓喜歡看八卦。”

有網民質疑兩人分手消息嘅真確性，另外亦有人食曬花生表示：“等著看直播吃狗屎。”有網民轉貼宋祖德有關博文，謝霆鋒得悉后便透過Facebook間接否認消息，佢留言：“期待佢食比（畀）我哋睇！”另外，佢今日亦有更新Facebook，并貼出一張背影相留言：“廚房round3，比（畀）人搞到我頭?（暈）”，疑大呻畀人搞到頭都暈埋。

而身為王菲好友、臺灣重量級電 影人邱瓈寬，亦有喺社交網回應事件，佢好好火咁話阿菲“愛跟誰合愛跟誰分”都唔關其他人事，仲暗指宋祖德嘅“狗屎論”系污染狗屎，為老友王菲攞番個公道：“王菲愛跟誰合愛跟誰分是又關誰事？狗都會為自已拉的屎負責阿你呢？干嘛要污染狗屎？誰要看喜歡用講話狗看了都掉眼涙不如狗的人吃狗屎？王菲的感情又關你狗xx事？”

一提宋祖德　謝賢嬲爆嗌收線：佢癲佬嚟

身為霆鋒老竇謝賢，未 知是否被氣爆了，一聽到宋祖德三個字即無 名火起三千丈，激氣地說：“唔講呀，唔講呀，冇嘢要講！（你系咪話若果佢哋真系分手，會食雙倍呀？）佢癲佬嚟?，點解要理佢呢？！唔講喇！”問四哥若果宋祖德“找數”玩直播，四哥會不會睇？他謂：“唔睇呀，收線啦！”